Polemika Gasteizen, Errege Magoen ikuskizuna gaztelaniaz bakarrik eskaintzeagatik

Errege Magoek astearte honetan Gasteizko Mendizorrotzako kiroldegian eskainitako ikuskizunak polemika sortu du, hitzaldiak gaztelaniaz bakarrik eman zituztelako.

EH Bilduk ikuskizunean euskara erabiltzea eskatu zuen joan den astean, eta orain guraso batzuek ere eskatu dute. Udalak Olentzeroren ikuskizunaz euskaraz gozatzeko aukera izan zela eta Errege Magoak orain gaztelaniaz komunikatzea egokia dela adierazi du.

Guztira, Errege Magoen 12 ikuskizun eskaini zituzten Mendizorrotzako kiroldegian. Guztiak gaztelaniaz. Hiru Erregeetako bakoitzak esaldi bakarra esan zuen euskaraz.

Gasteizko Udalak betiko Errege Magoak direla adierazi du, eta ez dituztela ordezkatu euskara ez jakiteagatik. Kontua da orain arte ez dutela haurrekin hitz egin behar izan, eta lehen aldia dutela. Udalak gaztelaniazko ikuskizuna egokitzat jo du, Olentzerorena euskaraz egin zelako.