Publizitatea
Itxi

2021/01/12

11:55

Gizartea

PRESOAK

Hirugarren gradua eman diote Troitiñori eta datozen orduetan aterako da espetxetik

O.A. | EITB MEDIA

Antton Troitiño preso donostiarra aurki irtengo da Estremerako kartzelatik, gaixotasun larri eta sendaezina duelako.

  • Antton Troitiño

    Antton Troitiño. Artxiboko argazkia: EFE

  • Whatsapp
  • Whatsapp
  • Telegram
  • Bidali

Antton Troitiño preso donostiarra aske geldituko da datozen orduetan, Etxerat presoen senideen elkarteak astearte honetan jakinarazi duenez. Gaixotasun larri eta sendaezina du eta Estremerako espetxean dago egun.

Atzo sinatutako auto batean, Auzitegi Nazionalak hirugarren gradua eman dio Troitiñori, bere osasun egoeragatik. Etxeratek gaur zabaldutako oharrak auto horren zatiak jasotzen ditu. Autoaren arabera, Troitiñok "oso gaixotasun larri eta sendaezina du, eta neurri aringarrien bidez baino ezin da tratatu, eta, beraz, espetxean egoteak horiek zaildu ditzake".

Etxeratek zehaztu duenez, Troitiño ez dago gaixotasun sendaezinak dituzten 17 presoren zerrendan, baina espetxeko egonaldi luze eta gogorrek Troitiño pairatzen ari den gisako ondorioak ekartzen dituzte.

Bestalde, larriki gaixorik dauden presoak berehala aske uztea eskatu du, beste behin, Etxeratek.

  • Bisitatuena

      Kargatzen ikusiena
      Kargatzen ikusiena