Gizartea -
Ertzaintza
Lonja bat miatu dute Barakaldon, Arrigunagan agertutako gorpuzkien ikerketaren harira
Gorpua Barakaldoko 34 urteko gizon batena da. Haren berririk ez zuen familiak Gabon-gautik. Antza denez, arazo pertsonalak zituen eta kalean lo egiten zuen.
E. L. | EiTB Media
Ertzaintzak miaketa egin du Barakaldoko (Bizkaia) lonja batean, Getxoko Arrigunaga hondartzan agertutako gorpuzkien ikerketaren harira, ETBk jakitera eman duenez.
Arte eta Ofizioen kaleko lonja bat miatu dute.
Gorpua Barakaldoko 34 urteko gizon batena da. Haren berririk ez zuen familiak Gabon-gautik.
Antza denez, arazo pertsonalak zituen eta kalean lo egiten zuen.
Ertzaintzaren hipotesi nagusia da modu bortitzean hil zutela, ondoren gorpua zatikatu eta ibaira jaurti zituztela gorpuzkiak, arrastorik ez uzteko asmoz.
