Gizartea -

Indarkeria matxista

19 urteko gizonezko bat atxilotu dute Donostian emakume bat bortxatzeagatik

Erasoa astelehen goizaldean jazo zen, hiriburuko hotel batean. Biktima ospitalean artatu behar izan zuten.

E. G | EITB MEDIA

Whatsapp Facebook Twitter Telegram Email

Ertzaintzaren agenteek 19 urteko gizonezko bat atxilotu zuten Donostian bikotekidea bortxatzea egotzita. Genero indarkeriaren baitako askatasun sexualaren kontrako delitua leporatu diote.

Segurtasun Sailak ohar batean jakinarazi duenez, sexu erasoa astelehen goizaldean jazo zen Donostiako hotel batean. Ertzaintzak emakume baten deia jaso zuen bortxatua izan berri zela esanez.

Herritarren Babeserako agenteak hotelera joan ziren eta bertako harrera-lekuan topatu zuten biktima. Emakumeak markak zituen lepoan, gizonak erabilitako indarkeriaren ondorioz. Anbulantziaz ospitalera eraman zuten, artatzeko.

Biktimarekin izan ostean, hoteleko logelara jo zuten agenteek eta bertan ustezko erasotzailea identifikatu eta atxilotu zuten. Izapide polizialak bukatuta, Donostiako Guardiako Epaitegiaren esku utzi zuten gizona.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Donostia Ertzaintza Indarkeria matxista Gipuzkoa EAE Delituak bideoak Gizartea Indarkeria matxistaren biktimak Eguneko albisteak Albisteak Tratu txarren biktimak Matxismoa Sexu erasoak

Informazio gehiago