Publizitatea
Itxi

2021/03/12

18:10

Gizartea

Koronabirusa

Nafarroak bilerak mugatuko ditu Aitaren Eguneko zubian, martxoaren 17tik 21era

EiTB Media | Agentziak

Toki publiko itxietan bilerak lau pertsonara mugatuko ditu eta leku publiko irekietan seira, eta batzar pribatuak bizikidetza talde bakarrera.

  • Nafarroako taberna bat. EiTB Mediako bideo batetik ateratako irudia.

    Nafarroako taberna bat. EiTB Mediako bideo batetik ateratako irudia.

  • Whatsapp
  • Whatsapp
  • Telegram
  • Bidali

Martxoaren 17tik 21era toki publiko itxietan bilerak lau pertsonara mugatuko dituzte Nafarroan, leku publiko irekietan seira, eta batzar pribatuak bizikidetza talde bakarrera. Etxeratzeko agindua, aldiz, 23:00etan mantenduko du Foru Erkidegoak.

Beraz, Aitaren Eguneko zubiarekin batera aplikatuko dituzte neurriak, Lurralde arteko Osasun Kontseiluan Espainiako Gobernuak eta erkidegoek adostutakoa betetzeko.

Era berean, zirkulazio publikoko tokietan egin nahi diren bilerak eta manifestazioak baldintzatzeko edo debekatzeko aukera egongo da, aldez aurretik egin beharreko komunikazioan deitzaileek segurtasuneko distantzia bermatzerik ez baldin badute.

Neurriak martxoaren 17an, 00:00etan, hasiko dira aplikatzen, Maria Chivite presidenteak ostiral honetan sinatutako foru dekretua indarrean sartu ostean.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;