Publizitatea
Itxi

2021/03/19

13:07

Gizartea

KORONABIRUSA

Euskadik goranzko joerari eutsi dio, 466 positibo berri atzeman baititu

E. G. | EITB MEDIA

Erietxeetako egoerak okerrera egin ez duen arren, gainerako datuek bilakaera txarra da: positibotasun tasa eta Bizkaiko eta Arabako kutsatzen kopuruak hazi egin dira.

  • Osasun langileak.

    Osasun langile batzuk, norbera babesteko ekipamenduekin jantzita. Argazkia: EFE.

  • Whatsapp
  • Whatsapp
  • Telegram
  • Bidali

Goranzko joera apaldu ezinean dabil Euskadi, eta atzo 466 covid-19 kasu zenbatu zituen, bezperan baino 56 gehiago.

Eusko Jaurlaritzako Osasun Sailak emandako datuen arabera, ostegunean 8.594 proba diagnostiko egin zituzten, eta horietatik % 5,4 izan ziren positibo. Lurraldeka, igoera nabarmena izan da Bizkaian (242 kasu, aurreko egunean baino 51 gehiago) eta Araban (99, bezperan baino 17 gehiago). Gipuzkoa, 118 kutsatzerekin, beherakada izan duen bakarra da (-15). Era berean, EAEtik kanpo bizi diren zazpi lagunek positibo eman zuten atzokoan.

Datu on bakarra erietxeek eman dute. Atzokoan 32 pertsona ospitaleratu zituzten covid-19ak jota (bezperan baino bederatzi gutxiago) eta ZIUetan dauden gaixoak 93tik 92 jaitsi dira.

Jaieguna izaki, eta asteburuaren atarian, Jaurlaritzak astelehenean jakinaraziko ditu udalerrien datuak eta R0 indizearen ingurukoak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;