Publizitatea
Itxi

2021/03/22

13:50

Gizartea

INGURUMENA

Greenpeacek 1.000 litro ur kutsatu itzuli dizkio Caparrosoko etxalde erraldoiari

EITB MEDIA

Gobernuz kanpoko erakundeak "agerian utzi nahi zituen enpresaren jardunbide txarrak eta nitratoen inguruko lege bat eskatu zuen, uraren kutsaduraren arazo larriarekin amaitzeko".

  • Greenpeacek 1.000 litro ur kutsatu bota dizkio Caparrosoko etxalde erraldoiari

    Greenpeacek 1.000 litro ur kutsatu bota dizkio Caparrosoko etxalde erraldoiari. Argazkia: Greenpeace

  • Whatsapp
  • Whatsapp
  • Telegram
  • Bidali

Uraren Munduko Eguna dela eta (martxoaren 22a) Greenpeacek jakinarazi duenez, erakundeko aktibistek "nitratoz kutsatutako 1.000 litro ur itzuli dituzte Valle de Odieta SCL enpresaren Caparrosoko etxalde erraldoira".

Ekintza horren bidez, gobernuz kanpoko erakundearen helburua da "enpresa horren jardunbide txarrak agerian uztea, eta nitratoen inguruko lege bat eskatzea, Espainian dagoen uraren kutsaduraren arazo larriarekin amaitzeko eta industria-abeltzaintzari (arazoaren arrazoi nagusietako bat) lege-galga jartzeko".

Ohar batean azaldu duenez, ekintza "otsailean Caparrosoko etxalde erraldoiko minden legez kanpoko isurketa masiboek ingurumenean izan zuten eraginaren lekuko" izan ostean sortu zuen Greenpeacek, "akuiferoetara eta ibaietara iristen baitira".

Hori dela eta, ekintzaile talde batek ura atera du Aragoi ibaiko behealdeen Kontserbazio Bereziko Eremu batean dagoen baltsa batetik, Natura 2000 Sareko gune babestuan, eta etxalde erraldoi horretako putzu iragazgaiztura itzuli ditu.

Aldi berean, erakundeko beste talde batek protesta egin du "ia mugitu ezinik dauden ehunka txahal amengandik bereizita dauden etxola txikien ondoan". Horiek etorkizunean ekoizpen industrialeko etxaldean ordezkatuko dituzte aurrekoak.

Greenpeacek azpimarratu duenez, 2014tik, Caparrosoren ustiapena martxan jarri zenetik, "Valle de Odieta SCL enpresak Nafarroako Gobernuaren hainbat erakunde publikoren 19 salaketa jaso ditu, eta horietako 11 zehapen-prozedura bihurtu dira jada, ingurumenari buruzko araudia hausteagatik".

Hala ere, GKEaren arabera, "Nafarroako Justizia Auzitegi Nagusiak enpresaren aldeko epaia eman ondoren, Nafarroako Gobernuak baimena eman zuen, martxoaren 12an, enpresak bere instalazioen edukiera bikoizteko, 3.450 behi ustiatzeko baimena izatetik (nahiz eta, egia esan, 5.000 behi baino gehiago dituzten, baimendutakoak baino gehiago) 7.200 ustiatzeko".

Horrela, Ingurumen Baimen Bateratuaren arabera, urtean 148.858 tona simaur sortuko lirateke, "ia 1,8 milioi pertsonak (Nafarroako biztanleriaren hirukoitza) sortutako gorotz-hondakinen baliokidea".

  • Bisitatuena

      Kargatzen ikusiena
      Kargatzen ikusiena