Gizartea -

Indarkeria matxista

Manresan eraildako emakumea indarkeria matxistaren biktima dela berretsi dute

Ustezko hiltzailea, biktimaren bikotekide ohia, atxilotuta dago.

EITB Media | Agentziak

Whatsapp Facebook Twitter Telegram Email

Berdintasun Ministerioak berretsi du asteazkenean Manresan (Bartzelona) eraildako emakumea indarkeria matxistaren biktima dela. Biktimaren bikotekide ohia atxilotu egin dute, 34 urteko emakumea hiltzea egotzita.

Biktimaren gorpua asteazkenean, apirilaren 14an, Manresako pisu batean aurkitu dute Esquadra Mossoek, "indarkeria zantzu argiekin". Gero, emakumearen bikotekide ohia atxilotu dute hilketaren ustezko egile gisa. Berdintasun Ministerioak argitu duenez, atxilotuak ez zuen salaketarik.

Aurten Estatu espainiarrean jazotako seigarren hilketa matxista da Manresako emakumearena eta halako erailketak zenbatzen direnetik (2003), ostera, 1.084.ena.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Bartzelona Gizartea Eguneko albisteak Albisteak Matxismoa