Publizitatea
Itxi

2021/04/18

18:36

Gizartea

Animaliei tratu txarrak

Animalienganako tratu txarrak eta esperimentazioa salatu dituzte Bilbon eta Donostian

EITB Media | Agentziak

Protestetan Vivotecnia laborategiko ikerketari aipamen berezia egin diote. Bada, Madrileko laborategian infiltratutako aktibista batek animalien torturak grabatzea lortu du.

  • Bilboko kontzentrazioa

    Bilboko kontzentrazioa. EITB Mediaren bideo batetik ateratako irudia

  • Whatsapp
  • Whatsapp
  • Telegram
  • Bidali

Dozenaka pertsona bildu dira gaur Donostian eta Bilbon animalienganako indarkeria eta laborategietako jarduna salatzeko. Gainera, esperimentazio praktika horiei aurre egiteko sufrimendurik gabeko alternatiba jasangarriak daudela aldarrikatu dute.

Gipuzkoako hiriburuan “animalietan testatze gehiagorik ez” zioten kartelak irakur zitezkeen Udaletxearen parean bildu diren manifestarien artean.

Bilbon, ostera, Arriaga Antzokiko plazan egin dute kontzentrazioa Bizkaiko hainbat elkarte animalistek eta “Vivotecnia enpresan animaliek pairatutako tratu txarrak” salatu dituzte.

Animaliei torturak Madrilgo laborategi batean

Aste honetan bertan, Cruelty Free International erakundeak Vivotecnia laborategi madrildarrean egindako ikerketa plazaratu du. Bertan, animaliekin testatzen duen enpresako “praktika iraingarriak, torturak, muturreko tratu txarrak eta ankerkeria” agerian utzi dituzte.

Hala, #RescateVivotecnia asanblada sortu dute Madrilen eta laborategiaren atarian bildu dira asteon, “Vivotecnia ixteaz gain, animalien kontrako indarkeriarekin bukatzeko” helburuarekin.

  • Bisitatuena

      Kargatzen ikusiena
      Kargatzen ikusiena