Publizitatea
Itxi

2021/05/07

20:31

Gizartea

KORONABIRUSA

Indiako aldaeraren hiru kasu baieztatu dituzte EAEn

Naiara Ballesteros | EITB MEDIA

Horietako bi Bilboko Portuan porturatutako itsasontziko bi tripulatzaile dira, eta besteak ez du horiekin harremanik.

  • "Stavanger Pearl" itsasontzia, Bilboko Portuan

    "Stavanger Pearl" itsasontzia, Bilboko Portuan. Argazkia: EFE.

  • Whatsapp
  • Whatsapp
  • Telegram
  • Bidali

Osakidetzak covid-19aren Indiako aldaeraren hiru kasu baieztatu ditu Euskadin, sekuentziazio teknikaren bidez, igandean Bilboko Portura heldutako itsasontziko bi tripulatzailerenak eta horiekin harremanik ez duen beste batena. Bi marinelak "behar bezala isolatuta" zeuden, Osasun Sailak zehaztu duenez.

Ontziko beste pertsona batek ere positibo eman zuen, eta kontaktuen jarraipenari eta tripulazioaren artean egindako baheketari esker, beste bat atzeman zuten. Horrela, foku horrekin identifikatutako kasu positibo guztiak lau dira, Osasun Sailak emandako datuen arabera.

Osakidetza gainerako laginak aztertzen ari da, Indiako aldaera ote den jakiteko. Halaber, transmisio katea "kontrolpean" dagoela eta kaltetutako pertsonak "behar bezala isolatuta" daudela azpimarratu du.

Bestalde, Gotzone Sagardui Eusko Jaurlaritzaren Osasun sailburuak jakinarazi du aurreko biekin zerikusirik ez duen beste pertsona bati Indiako aldaera atzeman diotela, eta laugarren kasu bat aztertzen ari direla.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;