2011ko albiste irakurrienak eitb.com-en

Urtea amaitzean, laburpenak eta zerrendak egitea gustoko dugu kazetariok. Albiste garrantzitsuenak, irakurrienak, bitxienak, partekatuenak...

Guk ez dugu atzean geratu nahi izan. Hori bai, datu-bilketa prozesuan hainbat ezusteko izan ditugu. Izan ere, eitb.com-en lan egiten dugun kazetariok eta editoreok pil-pileko gaietan sakontzen saiatzen bagara ere, 2011ko albiste irakurriena ez da izan ETAren indarkeriaren amaiera, ez Aieteko Bake Konferentzia, ez ezker abertzalearen emaitza ikusgarriak maiatzeko hauteskundeetan, ez Fukushimako krisi nuklearra, ez udaberri arabiarra, ezta Iñaki Urdangarinen ustezko ustelkeriak. Ez.

Google Analytics tresnaren arabera, irakurriena albiste arrunt bat izan da: "Surflari talde batek bi ezkongai erreskatatu ditu Zumaiako hondartzan".

Hamabost irakurrienen artean, gainera, gehienak bitxikeriak dira, teorian garrantzi gutxiko berriak.

Adibide gehiago: zilarrezko domina 9 urtez emaztearen gorpua etxean gorde duen vietnamdar batek irabazi du, eta brontzezkoa tona bateko itsas krokodilo batek.

Zerrendan beste hainbat 'hutsalkeria' daude: historia osoko lehen txistea, pizzeria batean gizon batek milioi bat dolar 'ahaztu' izana eta abar.

Nolanahi ere, euskal herritarrentzat gertukoak diren albisteek ere interes handia pizten dutela sumatu dugu. Horra zerrendak:

2011ko albiste irakurrienak

1. Surflari talde batek bi ezkongai erreskatatu ditu, Zumaiako hondartzan

2. Vietnamdar batek 9 urte daramatza emaztearen gorpuzkiekin lo egiten

3. Tona bateko itsas krokodilo bat harrapatu dute Filipinetan

4. Zein izan da historia osoko lehen txistea?

5. Gizon batek pertsona bat hil eta beste 6 zauritu ditu Bilbon

6. Alkoholemia kontrol batean putz egiten jakin ez zuen gidaria, libre

7. Kermanen irakatsietan sakontzeko unitate didaktikoak, erabilgarri

8. Etxeko ura edateak homosexual bihurtuko zaitu

9. Hamabi urteko mutiko bat desagertu da Zornotzan

10. Gizon batek milioi dolar bat 'ahaztu' du Sidneyko pizzeria batean

11. Motorzale bat hil da Lekeition

12. Eñaut Labaien Zapirain arraunlari ohia hil da

13. Preso batzuek grabatutako film labur bateko protagonistak ihes egin du

14. Zornotzan desagertutako umea onik aurkitu dute

15. Ertzaintzak ETAko ustezko bost kide 'legal' atxilotu ditu  

Eta gaztelaniaz?

1. La actriz porno Rebeca Linares, ¿Tambor de Oro 2012?

2. Vivir sin gastarse un euro gracias a Internet

3. "Agur jaunak" de The Kelly Family, casi 300.000 visitas en YouTube

4. La duquesa de Alba, desnuda en 'Interviú'

5. Se hace pasar por miembro de ETA para robar en un chino

6. Mata a puñaladas a un hombre y hiere a otras 6 personas en Bilbao

7. Construyen un búnker en Madrid para afrontar el fin del mundo

8. Un grupo de jóvenes destroza a batazos un iPad

9. Un niño de 10 años en la UCI tras saltar un toro al tendido en Tafalla

10. Madonna compra espárragos y echa gasolina en Burgos

11. Mitra, un ordenador con aspecto de termo

12. Un Juzgado suspende la orden de derribo del Gaztetxe Kukutza de Bilbao

13. La Ertzaintza busca a un niño de 12 años desaparecido en Amorebieta

14. Desaparecen dos hermanos de 6 y 2 años que jugaban en Córdoba

15. ETA anuncia el 'cese definitivo' de la violencia