Gizartea -

INDARKERIA MATXISTA

Gizon batek labankadaka hil du bere emaztea Guadalajaran

Atzo arratsaldean izan zen hilketa, eta erasoaren lekuan bertan atxilotu zuten gizonezkoa. Biktimak 41 urte zituen.

Bi emakumek kandela bana piztu dute hildako emakumearen omenez. Argazkia: EFE
Bi emakumek kandela bana piztu dute hildako emakumearen omenez. Argazkia: EFE
Bi emakumek kandela bana piztu dute hildako emakumearen omenez. Argazkia: EFE

EITB MEDIA | AGENTZIAK

Whatsapp Facebook Twitter Telegram Email

Gizon batek labankadaka hil zuen bere emaztea, atzo iluntzean, Guadalajarako (Espainia) Alovera herrian.

Hiltzaileak berak deitu zuen 112 larrialdietako zerbitzura, emaztea hil zuela esanez. Kalean izan zen erasoa, eta osasun-langileak eta polizia bertaratu zirenerako, emakume hilda zegoen.

Tokian bertan atxilotu zuten gizonezkoa, eta Aloverako Udalak ohar bidez jakitera eman duenez, erasotzaileak ez du indarkeria matxistarekin lotutako aurrekaririk.

Indarkeria matxistaren kasu hau salatzeko, elkarretaratzea deitu dute gaur arratsalderako, herriko plaza nagusian. Oharrean, Udalak hilketa gaitzetsi eta bere elkartasuna agertu die emakumearen senitartekoei.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Espainia Gizartea Indarkeria matxistaren biktimak Eguneko albisteak Albisteak Tratu txarren biktimak Matxismoa Feminismoa Erailketak

Informazio gehiago