Gizartea -
KUTSADURA
Hondartzan bainua hartzea debekatu dute Hondarribian hondakin-uren isurketagatik
Udalak eta Txingudiko Zerbitzuek adierazi dutenez, ur-analisien emaitzak izan arte ezin izango da hondartzan bainurik hartu.
EITB MEDIA | AGENCIAS
Bainua debekatu dute Hondarribiako hondartzan ura ateratzeko hodi bat hautsi delako Hondartzako Punpaketa Estazioaren eta Atalerrekako hondakin uren araztegiaren artean. Lurgorri parean gertatu da isuria.
Hondarribiko Udalak azaldu duenez, gertakariaren berri izan bezain pronto jakinaren gainean jarri zituzten SOS Deiak, Osasun Saila, URA eta Udaleko Ingurumen Saila. Gauzak horrela, Txingudiko Zerbitzu Mankomunitateak berehala hartu zituen isurketa gelditzeko eta hodia konpontzeko beharrezko neurriak.
Udalak eta Txingudiko Zerbitzuek adierazi dutenez, ur-analisien emaitzak izan arte ezin izango da hondartzan bainurik hartu.
