Publizitatea
Itxi

2021/06/11

11:52

Gizartea

KORONABIRUSA

"Gehiegizko baikortasuna" izateko arriskuaz ohartarazi du Urkulluk

AGENTZIAK | EITB MEDIA

Elkarrekin Podemos-IUk egindako galdera bati erantzunez, koronabirusaren inguruan dagoen "gehiegizko katastrofismoa" deitoratu, eta "manipulazioa eta egia erdiak" salatu ditu.

  • Josu Erkoreka eta Iñigo Urkullu Eusko Legebiltzarrean

    Josu Erkoreka eta Iñigo Urkullu Eusko Legebiltzarrean. Argazkia: EFE

  • Whatsapp
  • Whatsapp
  • Telegram
  • Bidali

Iñigo Urkullu lehendakariak koronabirusaren inguruko "gehiegizko baikortasunaz eta katastrofismoaz" ohartarazi du eta birusak "hemen" jarraitzen duela azpimarratu du. Horrela mintzatu da lehendakaria Miren Gorrotxategi Elkarrekin Podemos-IUko bozeramaileak Eusko Legebiltzarreko gaurko kontrol saioan egin dion galderari erantzunez. Horrez gain, "manipulazioa eta egia erdiak" salatu ditu.

Eusko Legebiltzarreko kontrol saioan, EAEko osasun egoeraren inguruan galdetu dio Miren Gorrotxategi Elkarrekin Podemos-IUko legebiltzarkideak lehendakariari, eta osasun mentaleko sistema "indartzeko" premiazko plan bat eskatu dio Eusko Jaurlaritzari.

Gorrotxategiren esanetan, pandemia honetan % 27 igo dira suizidioak, eta ugaritu egin dira herritarrek psikiatrarengana egiten dituzten bisitak ere. Ildo horretan, osasun mentaleko plan hori osasun publikoaren lege berrian sartu behar dela uste du Gorrotxategik. "Tabua apurtu eta Parlamentura ekarri behar da", defendatu du.

Urkulluk osasun egoeraren balorazio "positiboa eta itxaropentsua" egin du, baina larrialdi egoerak bere horretan jarraitzen duela gogorarazi du. Lehendakariak "erne" egoteko deia egin du "birusak hemen jarraitzen duelako".

Osasun mentalari dagokionez, Urkulluk gogorarazi du Eusko Jaurlaritzaren Osasun Planak osasun mentaleko arreta ere bere baitan jasotzen duela. Gaineratu duenez, aurten bertan Osasun Legearen proiektua aurkeztuko du Eusko Legebiltzarrean. Halaber, pandemiak osasun mentalean duen eragina aztertzeko Betirako programa abiatu dutela esan du.

Agerraldian, gehiegizko katastrofismoaz eta gehiegizko baikortasunaz ohartarazi du lehendakariak, eta kezkatuta agertu da "manipulazioarekin eta egia erdiekin, datu partzialen eta puntualen alderaketa partzialekin".

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;