Gizartea -
Txertaketa
43 urtekoei txertatzeko hitzordua ematen hasi da Osakidetza
Egungo erritmoari eutsiz gero, 80ko hamarkadan jaiotakoak ekaina bukatu baino lehen txertatzen hasiko dira.
EITB Media
Osakidetza 1978 urtean jaiotakoei txertatzeko hitzordua ematen hasi da astelehen honetan.
Asteburuan, 55.000 txerto jarri dituzte Euskadin, eta, horren ondorioz, astebetean bost urte aurreratu da txertaketa adina. Erritmo horri eutsiz gero, 80ko hamarkadan jaiotakoak ekaina bukatu baino lehen txertatzen hasiko da Osakidetza.
Orain arte, 705.898 pertsona (herritarren % 37,9) immunizatuta daude jada EAEn, hau da, txertaketa pauta osoa jaso dute. Era berean, 1.065.766 pertsonak (% 57,2) gutxienez lehen dosia dute.
