Publizitatea
Itxi

2021/07/11

15:15

Gizartea

KORONABIRUSA

Positibotasun tasa % 9,4ra igo da Euskadin, 669 kasu gehiagorekin

EITB MEDIA

Atzo 7.112 proba egin ziren, hau da, aurreko egunean baino 2.272 gutxiago. Intzidentzia-tasa nabarmen igo da, iazko azaroaren 9tik zenbatutako bigarren ehunekorik altuena izanda.

  • Pertsona ugari Bilbon, paseatzen. Artxiboko argazkia: EFE

    Pertsona ugari Bilbon, paseatzen. Artxiboko argazkia: EFE

  • Whatsapp
  • Whatsapp
  • Bidali

    Azken orduetan 669 koronabirus kasu atzeman dituzte Euskal Autonomia Erkidegoan (EAE), eta positibotasun tasa % 7,9tik % 9,4ra igo da egun bakarrean; iazko azaroaren 9tik izandako bigarren portzentajerik altuena izanda.

    Igande honetan, pandemiaren zenbait datu eguneratu ditu Eusko Jaurlaritzako Osasun Sailak. Atzo, larunbata, 7.112 proba egin zituzten, hau da, bezperan baino 2.272 gutxiago.

    Test kopuru txikiago hori izan da infektatutakoen beherakadaren arrazoia (669, aurreko egunean 737 izan ziren bitartean), baina positibotasuna, hau da, egindako proben aldean kutsatutakoen ehunekoa, % 9,4ra igo da.

    Urteko positibotasun tasa handiena apirilaren 2an zenbatu zen, eta aurreko daturik altuena 2020ko azaroaren 8an jakinarazi zen.

    Lurraldez lurralde aztertuta, Gipuzkoan 275 kasu zenbatu dituzte, 273 Bizkaian eta 75 Araban. Horrez gain, positibo eman duten 46 pertsona, beste autonomia erkidegoetan bizi dira.

    Ospitaleen egoerari dagokionez, 19 pertsona ospitaleratu zituzten atzo, eta, gaur egun, 27 pertsona daude zainketa intentsiboetako unitateetan (pertsona bat gutxiago).

    Horrela, ospitaleratzeek gora egin dute Euskadin, hamar aste beheraka joan ostean.

    Nafarroa

    Nafarroan ere, azken orduotan igo egin dira, berriro, covid-19 kasuak: 335 kasu atzeman dituzte, bezperan baino 31 gehiago, Foru Gobernuak igande honetan emandako datuen arabera.

    Osasun Sailak 2.062 proba egin zituen atzo PCR eta antigeno testen artean, eta horietatik % 16,2k positibo eman zuten. Gauzak honela, hirugarren egunez jarraian gora egin dute Nafarroan atzemandako kasuek eta positibotasun-tasa % 16,2koa da.

    Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;