Publizitatea
Itxi

2021/07/18

12:59

Gizartea

KORONABIRUSA

Jaitsi arren, milatik gorako kopurutan jarraitzen dute positiboek EAEn

Olatz Prat | EITB MEDIA

1.011 kasu berri hauteman dira EAEn. Gipuzkoak baino ez ditu hobetu dira datuak, 81 kasu gutxiagorekin. Positibotasuna apur bat igo da, % 11,4raino. 31 pertsona ospitaleratu dituzte eta aurreko egunean baino hiru pertsona gehiago daude ZIUn.

  • Erizain bat, ospitalean lanean.

    Erizain bat, ospitalean lanean. Argazkia: artxibokoa

  • Whatsapp
  • Whatsapp
  • Bidali

    Kutsatzeak apur bat jaitsi dira EAEn eta 1.011 kasu izan dira larunbatean, aurreko egunean baino 166 gutxiago.

    Atzo 8.890 proba diagnostiko egin ziren Osakidetzan, eta, beraz, positibotasun tasa % 11,4koa izan da, bezperan baino hamarren bat gehiago.

    Gipuzkoa da datuak hobetu dituen lurralde bakarra; izan ere, ostiralean baino 81 kasu gutxiago zenbatu dituzte, 421etik 340ra jaitsi baitira. Bizkaian 512 kasu hauteman dira, aurreko egunean baino 31 gehiago, eta Araban 137, bederatzi gehiago. 22 kasu gehiago detektatu dira beste autonomia-erkidego edo jatorri batzuetan.

    Ospitaleen egoerari dagokionez, larunbatean 31 pertsona ospitaleratu zituzten, eta gaur egun 34 pertsona daude zainketa intentsiboetako unitateetan, ostiralean baino hiru gehiago.

    Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;