Itxi

2021/07/23

14:08

Gizartea

KORONABIRUSA

Bi pertsona hil dira covid-19ak jota Nafarroan

Eider Garaikoetxea O. | EITB MEDIA

Horrez gain, gora egin dute ospitaleratzeek, eta bi pertsona gehiago dituzte orain ZIUetan.

  • Osasun langile bat eri kritiko bat artatzen.

    Osasun langile bat eri kritiko bat artatzen. Argazkia: EFE

  • Whatsapp
  • Whatsapp
  • Telegram
  • Bidali

Bi pertsona hil dira covid-19arekin Nafarroan, eta ospitaleetako egoerak ere okerrera egin du azken orduetan.

Foru Gobernuak emandako datuen arabera, 447 positibo berri zenbatu dituzte. Bezperan baino 13 gehiago dira, baina duela astebete baino 175 gutxiago. Nolanahi ere, duela 14 egun erregistratutako datuekin alderatuta, 172 kasuko gorakada izan da.

Kutsatuak erietxeetara heltzen jarraitzen dute, eta ostegun honetan 11 pertsona ospitaleratu behar izan dituzte; horietatik bi, ZIUetan. Hala, 79 pertsona daude gela arruntetan, eta 14, zainketa intentsiboetako unitateetan. 

Azken 15 egunetako joera hautsita, bi pertsona zendu dira koronabirusak jota (80 eta 93 urteko bi emakume) eta guztira 1.195 dira pandemian hildakoak.

Kasu gehien pilatzen dituzten udalerri edo guneei dagokienez, Iruñeko Arrotxapea auzoa da denen buru, 24 positiborekin. Ondoren daude Zizur Nagusia eta Iruñeko Donibane auzoa, 19narekin. Gainerakoan, Sarrigurenek eta Lizarrak 17na kutsatze zenbatu dituzte, eta Iruñeko Mendillorri auzoan 16 izan dira.

Testuinguru honetan, eta covid-19ari balazta jarri nahian, asteburu, jaiegun eta ez-jaietan etxeratze agindua ezarri ahalko du Nafarroako Gobernuak 01:00a eta 06:00ak bitartean, bermea eman baitio Auzitegi Nagusiak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;