Eraso matxista baten berri eman du Ordiziako Udalak

Ohar baten bidez, Udalak salatu du erasoa igande gauean gertatu zela, baina oraingoz ez du informazio gehiagorik eman.

Biolentzia matxistaren aurkako protesta. Artxiboko irudia: EFE.

I. R. | EITB Media

publikatuta: 2021/07/28 11:17 (UTC+2)

azken eguneratzea: 2021/07/28 11:17 (UTC+2)

Ordiziako Udalak salatu duenez, uztailaren 25etik 26rako gauean eraso matxista bat izan zen herrian. Gertatutakoaren inguruan, "informazioa biltzen" ari direla jakinarazi du. Halaber, argi utzi du eraso matxista guztiak "irmo arbuiatuko" dituela.

Udalak ohar batean jakinarazi duenez, indarkeria matxista pairatu duen pertsona babesteko lan egingo du beti, eta, dagoeneko, "beharrezko arreta" emateko lanean ari direla azaldu du.

Bestalde, Udalak adin guztietako ordiziarrei dei egin die, eraso matxistaren baten lekuko diren edozein unetan, "erasoa jasan duen pertsona babestu eta laguntza eskain diezaioten".

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea

Indarkeria matxista Gipuzkoa Salaketak Gizartea Eguneko albisteak Ordizia Albisteak Matxismoa

Eraso matxista baten berri eman du Ordiziako Udalak

Esteka kopiatuta