Gizartea -

BIZKAIA

Lemoako Udalak elkarretaratzea deitu du herriko bizilagun batek Zornotzan jasandako jipoia salatzeko

Protesta ostegun honetan izango da, 20:00etan, udaletxearen aurrean.

Atzo arratsaldean Zornotzan egin zen elkarretaratzeko irudi bat. EITB Media
Atzo arratsaldean Zornotzan egin zen elkarretaratzeko irudi bat.
Atzo arratsaldean Zornotzan egin zen elkarretaratzeko irudi bat. EITB Media

EITB MEDIA | AGENTZIAK

Whatsapp Facebook Twitter Telegram Email

Lemoako Udalak elkarretaratzea deitu du ostegunerako, asteburuan herriko bizilagun batek Zornotzan jasandako jipoia salatzeko. Gaztea Gurutzetako Ospitalera eraman zuten, eta larri dago oraindik.

Biktima Lemoako bizilaguna da, eta 15 bat pertsonak jipoitu zuten, horietako asko adingabeak, sare sozialetan biralak egin diren borrokaren irudietan ikus daitekeenez. Oraingoz, Ertzaintzak zortzi pertsona atxilotu ditu.

Lemoako Udalak ohar baten bidez jakinarazi duenez, elkarretaratzea egingo dute ostegun honetan, 20:00etan, udaletxearen aurrean, eta elkartasuna adierazi dio erasoa jasan duen gaztearen familiari.

Era berean, "jarrera eta jokabide bortitz horiek" gaitzetsi ditu, eta "pandemiaren ondorioei diziplina eta hezkuntza anitzeko ikuspuntutik heltzeko beharra" azpimarratu du, "hezkuntza, prebentzioa eta tolerantzia ardatz hartuta".

Horren eta azken asteotan izandako indarkeriazko beste gertakari batzuen ondorioz, Zornotzako hainbat taldek, ostalariekin eta auzokideekin batera, elkarretaratzea egin zuten atzo Luis Urrengoetxea kalean, gaitzespena adierazteko "hau ez da eraiki nahi dugun herria" lemapean.

Hau zure interesekoa bada, baliteke beste gai hauek ere izatea
Amorebieta-Etxano berriak Delituak bideoak Gizartea Albisteak Gaur Gaurko azken orduko albistea Lemoa azken ordukoa Durangaldea albisteak