Gizartea -
Koronabirusa
Positibo berriek behera egin dute Nafarroan, baina ZIUetako gaixoak hazi dira eta hildako bat egon da
Tutera izan da berriro ere positiboen zerrendaburu, 11 kasu atzeman baitituzte. Arrotxapea auzoak Iruñeak guztira jakinarazi dituen 36 kasuetatik 8 atzeman ditu.
Naiara Ballesteros | EITB Media
Hainbat egunetan berrehunetik gora egonkor mantendu ostean, positibo berriek beherakada nabarmena izan dute Nafarroan, 131 kasu atzeman baitituzte larunbat honetan. Positiboen zifra hori uztaila hasierako datuen antzekoa da. Hala ere, pertsona bat hil da covidaz jota eta beste bat ZIUn ospitaleratu dute.
Aurreko bi egunetan, ostegunean eta ostiralean, 213 positibo erregistratu dira. 131 kasu berri horiek 1.145 proba egin ostean detektatu dira, eta positibotasun tasa % 11,4koa izan da. Orotara, 78.953 pertsona kutsatu dira.
Nafarroako Gobernuak jakinarazi duenez, bost pertsona ospitaleratu dituzte, horietatik bat ZIUn. Hortaz, 1.208 pertsona hil dira dagoeneko koronabirusaz jota. Egun, 95 pertsona ospitaleratu dituzte, ZIUn 25.
Azken orduetan, Tuteran atzemandako bederatzi positibo berriak azpimarratu behar dira, eta era berean, Arrotxapea auzoko beste zortzi positibo berriak.
Txertaketari dagokionez, 3.293 dosi berri jarri dira, beraz, 867.920 pertsonek lehen dosia hartu dute eta 431.304 jarraibide osoa jaso dute.
