Itxi

2021/08/15

13:01

Gizartea

Koronabirusa

Bezperan baino 175 kasu gutxiago atzeman dituzte Euskadin, baina gaixo kritikoak areagotu egin dira

EITB MEDIA

Ospitaleetako datuek okerrera egin dute: 41 pertsona ospitaleratu dituzte eta 5 pertsona gehiago daude ZIUetan; 66 paziente daude kritiko.

  • Hainbat pertsona kalean, musukoa jantzita. Argazkia: EFE.

    Hainbat pertsona kalean, musukoa jantzita. Argazkia: EFE.

  • Whatsapp
  • Whatsapp
  • Telegram
  • Bidali

Koronabirusarekin kutsatutako 581 pertsona atzeman dituzte Euskadin azkeneko orduetan, bezperan baino 175 gutxiago. Hala ere, positibotasunak altu jarraitzen du, zehazki, % 11,4.

Eusko Jaurlaritzako Osasun Sailak larunbateko pandemiaren bilakaeraren berri eman du; datuen arabera, 5.086 proba diagnostiko egin zituzten atzo, ostiralean baino ia 1.500 gutxiago.

Egindako testen arteko aldeagatik, positibotasuna 3 hamarren baino ez da jaitsi, % 11,7tik % 11,4ra.

Infekzio berri guztietatik, 326 Bizkaian diagnostikatu zituzten, 149 Gipuzkoan, 98 Araban eta 8 autonomia-erkidegotik kanpo bizi ziren pertsonen kasuak dira.

ZIUen egoerak okerrera egin du. Lau egunez behera egin ostean, larunbat honetan 66 gaixo zeuden zainketa intentsiboen beharrean, bezperan baino 5 gehiago.

Ospitaleratu behar izan zituzten gaixoen kopuruak ere gora egin du: 36 izan ziren ostiralean, eta 41 larunbatean.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;