Itxi

2021/08/20

22:57

Gizartea

Afganistan

Bidaideak taldearen eskaintza duen Nilofar Bayat afganiar saskibaloilaria Madrilen da

AGENTZIAK | EITB MEDIA

Bayat Afganistango gurpil-aulkiko saskibaloi-selekzioaren kapitaina da, eta klub bilbotarrak eskaintza egin dio, taldeko kide izateko. Kabulen hartu zuen hegazkina ostiral arratsaldean lurreratu da Madrilen.

1:01
Nilofar Bayat. Argazkia: EFE
  • Whatsapp
  • Whatsapp
  • Telegram
  • Bidali

Nilofar Bayat Afganistango gurpil-aulkiko saskibaloi-selekzioaren kapitaina ostiral arratsaldean iritsi da Madrilera, 18:30 aldera, ebakuatutako 110 pertsona zituela. Hala baieztatu du Jose Manuel Franco Espainiako Kirol Kontseilu Nagusiko presidenteak.

Nilofar Bayatek Bidaideak taldearen eskaintza jaso du, bilbotar klubeko kide izan dadin. Bidaideak taldeak argi utzi du erabat prest dagoela Bayat taldean jokatzeko. Jokalariak laguntza eskatu zuen Afganistandik irteteko, beste milaka emakumek ere egin dutenez; izan ere, talibanek, igandean, Kabul hiriburua hartu zuten, eta herrialdeko gehiena kontrolpean dute.

Egungo txapelduna den euskal klubeko presidenteak gurpil-aulkiko Saskibaloiaren Nazioarteko Federazioari eta Espainiako Saskibaloi Federazioari egin dio eskabidea, Afganistango selekzioko kapitaina Bilbon bizi ahal izan dadin eta hurrengo denboraldian Bidaideak taldeko jokalaria izateko.  

  • Bisitatuena

      Kargatzen ikusiena
      Kargatzen ikusiena
    ;