Gizartea -

Indarkeria matxista

17 urteko emakume bat bortxatu dute Plentziako hondartza inguruan

Ehunka pertsona bildu dira arratsaldean Plentziako portuan, eraso matxista gaitzesteko. Bertaratutakoek argi utzi dute jarrera matxistek eta pertsonen askatasunaren aurkakoek ez dutela lekurik, ez Plentzian, ez beste inon.

Ehunka pertsona bildu dira arratsaldean Plentzian, eraso matxista gaitzesteko. Argazkia: EITB Media
Ehunka pertsona bildu dira arratsaldean Plentzian, eraso matxista gaitzesteko. Argazkia: EITB Media
Ehunka pertsona bildu dira arratsaldean Plentzian, eraso matxista gaitzesteko. Argazkia: EITB Media

Agentziak | EITB Media

Whatsapp Facebook Twitter Telegram Email

Ertzaintza Plentzian emakume bati egindako sexu-erasoa ikertzen ari da, Segurtasun Sailak jakitera eman duenez. Biktimak berak jarri du salaketa, igandean. Polizia gertatutakoa ikertzen ari da.

Plentziako Udalak baieztatu duenez, igande goizaldeko 02:30 aldera jazo da eraso matxista, Plentziako hondartza inguruan. Gainera, talde bortxaketa izan ote den ikertzen ari dira, Udaleko iturrien arabera.

Horren harira, ehunka pertsona bildu dira arratsaldean Plentziako portuan, eraso matxista gaitzesteko. 'Ez dugu eraso matxistarik onartuko' lelopean, bertaratutakoek azpimarratu dutenez, jarrera matxistek eta pertsonen askatasunaren aurkakoek ez dute lekurik ez Plentzian ez beste inon.

Sorginen Alabak talde feministaren itzetan, "eraso bakoitzeko beti egongo da mugimendu feministaren erantzun bat"; izan ere, jarrera matxistak "edozein unetan eta edozein lekutan izan daitezke, ez jai giroan bakarrik".

Testuinguru horretan, Plentziako Udalak bozeramaileen batzarra deitu du astelehenerako, erasoa gaitzesteko oharra adosteko.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak erasoa gaitzetsi du sare sozialetan. "Beti biktimen alde. Ez beti da ez", idatzi du sailburuak.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Herriak eta Hiriak Bizkaia Euskal Autonomia Erkidegoa albisteak Delituak Gizartea Indarkeria matxistaren biktimak Eguneko albisteak Plentzia Albisteak Matxismoa Sexu erasoak