Gizartea -
KORONABIRUSA
Adinekoei hirugarren dosia jartzen hasi dira Ipar Euskal Herrian
Adinekoen egoitzetako 80 urtetik gorako erabiltzaileek jasoko dute lehenik, baina, oro har, 65 urtetik gorakoek eta immunodeprimituek ere jasoko dute.
I. R. | EITB Media
Ipar Euskal Herrian, abian da adinekoen egoitzetan covid-19aren aurkako txertoaren hirugarren dosia emateko prozesua. 80 urtetik gorako erabiltzaileak izango dira lehenak jasotzen, baina, oro har, 65 urtetik gorakoek eta immunodeprimituek ere hartuko dute hirugarren dosia.
Asteazkenetik aurrera, gainera, osasun-langile guztiek txertoa jarrita izan beharko dute, nahitaez. Neurri horrek polemika piztu eta hainbat arazo sortu ditu, osasun zentroetan eta ospitaleetan lanpostu hutsak betetzeko arazoak baitaude.
Euskadin, Osakidetza dagoeneko hasi da immunodepresioren bat duten 4.500 gaixori txertoaren hirugarren dosirako hitzordua ematen, Espainiako Osasun Publikoko Batzordeak inokulazio prozesu horri oniritzia eman ostean. Jaurlaritzak gordeta dituen Pfizer edo Moderna farmazia-etxeen gertakinak erabiliko ditu horretarako.
Ildo horretan, Santos Indurain Nafarroako Osasun kontseilariak adierazi du dagoeneko zerrendak eta txertaketa antolatzen ari direla pertsona immunokonprometituei dosi gehigarri bat emateko.
