Itxi

2021/09/22

13:56

Gizartea

Koronabirusa

Bi heriotza berri izan dira Nafarroan eta ospitaleratzeek gora egin dute

O. P. | EITB MEDIA

Azken bi heriotzekin, bederatzi dira azken astean covid-19agatik hildakoak. 25 positibo zenbatu dituzte, bezperan baino bat gutxiago, baina ospitaleko presioa ez da jaitsi.

  • Nafarroako Ospitaleko ZIUa.

    Nafarroako Ospitaleko ZIUa. Argazkia: EFE

  • Whatsapp
  • Whatsapp
  • Telegram
  • Bidali

Bi pertsona hil dira Nafarroan azken egunean covid-19agatik; hala, bederatzi dira azken astean koronabirusagatik hil direnak. Halaber, ez da jaisten ospitalean dauden covid-19 gaixoen kopurua. 

Atzo hiru lagun ingresatu zituzten, horietako bat ZIUn. Hala, bezperan baino bat gehiago dira erietxean dauden pertsonak (46), eta horietatik 13 daude ZIUn, bezperan baino bat gehiago. 

30 kasuen langatik behera eusten diote beste egun batez Nafarroan, seigarrenez, zehazki. Atzo 25 positibo zenbatu ziren, eta bezperan baino kasu bat gutxiago den arren, duela astebete hautemandako 45 eta duela bi asteko 53 baino gutxiago dira. 

Atzo 1854 proba egin ziren eta positibotasun tasa, hirugarren egunez jarraian, % 1,3koa izan zen.

Nafarroako Gobernuak emandako behin-behineko datuen arabera, Arrotxapean hauteman dira kasu gehien: 4. Arantzan, Burgin, Nabaskozen eta Tafallan bina kasu zenbatu dira. 

 

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;