2021/10/05
20:22
Gizartea
The World's 50 Best
Bittor Arginzoniz maisuaren Etxebarri erretegia, munduko hirugarren jatetxerik onena berriro
Agentziak | EiTB Media
Andoni Luis Aduriz sukaldariaren Mugaritz hamalaugarren tokian sailkatu da, Aitor Arregiren Elkano erretegia hamaseigarren eta Eneko Atxaren Azurmendi 49.
-
Bittor Arginzoniz txingarretako maisua. EiTB Mediako bideo batetik ateratako irudia.
Bittor Arginzoniz txingarretako maisuaren Etxebarri erretegia (Axpe, Bizkaia) hirugarren lekuan sailkatu da berriro, The World's 50 Best zerrendan.
Victor Arguinzoniz, the undisputed king of the grill, takes seemingly simple Spanish barbecue to a new level at Asador Etxebarri in Atxondo, Spain, No.3 in The World’s 50 Best Restaurants 2021, sponsored by S.Pellegrino & Aqua Panna! #Worlds50Best @SanPellegrino pic.twitter.com/iTOaop8neO
— The World's 50 Best (@TheWorlds50Best) October 5, 2021
Kopenhageko soto batean dagoen Noma, Danimarkako jatetxea, munduko jatetxerik onena izendatu dute astearte honetan, Anberesen (Belgika) egindako zeremonian.
Bartzelonako Disfrutar bosgarren sailkatu da, ondoren Andoni Luis Aduriz sukaldariaren Mugaritz Errenteriako jatetxea hamalaugarren, Aitor Arregiren Elkano Getariako erretegia hamaseigarren, Madrileko Diverxo hogeigarren eta Eneko Atxaren Azurmendi Larrabetzuko jatetxea 49.
Danimarkako ostalariak nagusi izan dira aurten, aurreneko bi sariak bereganatu baitituzte. Bigarren tokia Kopenhageko Geranium jatetxearentzat izan da.
Sarituen artean Latinoamerikako ordezkaritza zabala izan da, horietako hiru hamar onenen artean sailkatu baitira: Peruko Central Hegoamerikako jatetxerik onenak laugarren egin du, Maidok (Peru) zazpigarren eta Pujolek (Mexiko) bederatzigarren.
