Gizartea -

Indarkeria matxista

Gizon batek bikotekide ohia eta 11 hilabeteko alaba hil ditu Kantabrian

43 urteko gizona urruntzeko agindua zuen, eta dagoeneko atxilotu dute. Espainiako Estatuan, jadanik 41 emakume hil ditu indarkeria matxistak aurten, 2003tik 1.123.

Hilketa matxista Liaño de Villaescusan (Kantabria). Argazkia: EFE
Hilketa matxista Liaño de Villaescusan (Kantabria). Argazkia: EFE
Hilketa matxista Liaño de Villaescusan (Kantabria). Argazkia: EFE

Agentziak | EiTB Media

Whatsapp Facebook Twitter Telegram Email

43 urteko gizon bat atxilotu dute Liaño de Villaescusan (Kantabria), 40 urteko bikotekide ohia eta 11 hilabeteko alaba hiltzea egotzita. Atxilotuak urruntzeko agindua zuen.

Guardia Zibilak emakumearen eta haurtxoaren gorpuak aurkitu ditu Liañoko etxebizitza batean, haien senideek Astilleroko kuartelean desagerpena salatu ondoren.

12:00ak aldera, Guardia Zibilak biktimaren bikotekide ohia, 43 urteko espainiarra, atxilotu du. Biktima babesteko urruntzeko agindua urratu du atxilotuak, Espainiako Gobernuak Kantabrian duen Ordezkaritzak jakitera eman duenez.

Espainiako Estatuan, jadanik 41 emakume hil ditu indarkeria matxistak aurten, 2003tik 1.123.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Gizartea Indarkeria matxistaren biktimak Eguneko albisteak Albisteak Kantabria Matxismoa Feminismoa

Informazio gehiago