Itxi

Gizartea

Emakumeen kontrako indarkeria

Gizon batek emakume bati eraso egin dio Gasteizen, zirkulazio-istripu baten ondoren

Agentziak | EITB Media

Erasoa larunbatean izan zen, 20:50ean, San Martin auzoko kale batean, eta gizona atxilotu eta epailearen esku utzi zuten, genero indarkeriako delitu bat egotzita.

58 urteko gizon bat atxilotu dute Gasteizen, udaltzainen aurrean izandako trafiko-istilu batengatik eztabaidan ari zirela bikotekideari eraso egiteagatik.

Gasteizko Udalak astelehen honetan jakinarazi duenez, erasoa larunbatean izan zen, 20:50ak aldera, San Martin auzoko kale batean, eta gizona atxilotu eta epailearen esku utzi zuten, genero indarkeriako delitu bat egotzita.

Udaltzaingoak 32 urteko beste gizon bat ere atxilotu zuen atzo arratsaldean, Salburua auzoko etxebizitza batean bikotekidea jotzeagatik.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
  • Bisitatuena

      Kargatzen ikusiena
      Kargatzen ikusiena