Itxi

2022/01/07

10:26

Gizartea

Emakumeen aurkako indarkeria

Gernika Rugby Taldeak jokalari bat kanporatu du indarkeria matxista kasu batengatik

Manu Gimenez | eitb media

Abenduaren 31n jarri zuten haren kontrako salaketa, eta klubak horren berri izan baino ez erabaki zuen jokalaria taldetik kanporatzea.

  • Indarkeria matxistaren aurkako protesta bat. Argazkia: EiTB

    Indarkeria matxistaren aurkako protesta bat. Argazkia: EiTB

  • Whatsapp
  • Whatsapp
  • Telegram
  • Bidali

Gernika Rugby Taldeak jokalari bat kanporatu du indarkeria matxista kasu batengatik, klubak jakitera eman duenez. Euskadi Irratiak zabaldu duenaren arabera, gainera, ez da indarkeria matxistarekin lotutako delituengatik talde batetik kanporatzen duten lehenengo aldia, aurretik Madrilgo talde batetik egotzi baitzuten antzeko gertakari batengatik.

Abenduaren 31n jarri zuten haren kontrako salaketa, eta klubak horren berri izan baino ez erabaki zuen jokalaria taldetik kanporatzea, indarkeria matxistaren aurka duen konpromisoa berretsiz. Klubaren zuzendaritzak premiazko batzarra egin zuen urtarrilaren 1ean gertatutakoa aztertu eta horren inguruko erabaki bat hartzeko.

Iñaki Uribe Gernika Rugby Taldeko presidenteak Radio Euskadiko "Boulevard" saioan adierazi duenez, ez dute onartzen horrelako jarrerarik, taldeak sustatzen dituen balioen aurkakoak direlako.

Hori horrela, errugbi jokalariari kendu egin diote jada klubak eman zion etxebizitza, baina ez dago atxilotuta.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

 

  • Bisitatuena

      Kargatzen ikusiena
      Kargatzen ikusiena
    ;