Itxi

2022/01/10

16:03

Gizartea

Emakumeen aurkako indarkeria

Gizon bat atxilotu dute Barakaldoko denda batean lapurtzen harrapatu zuen dendariari sexu abusuak egiteagatik

AGENTZIAK | EITB MEDIA

Lapurretak egiteagatik aurrekariak dituen 20 urteko Sestaoko bizilagun bat da atxilotua. Ertzain-etxera eraman zuten atxilotu eta gutxira, eta gaur epailearen aurrean deklaratu du.

  • Whatsapp
  • Whatsapp
  • Telegram
  • Bidali

Barakaldoko Udaltzaingoak gizon bat atxilotu zuen larunbat gauean, sexu abusu delitu batengatik. Atxilotua Bizkaiko aipatu udalerriko denda batean lapurreta egiten ari zen. Dendariak lapurtzen harrapatu zuen, eta harekin ika-mikan ari zela, gizonak ukituak egin zizkion.

Angel Madrazo Hiri Segurtasun eta Babes Zibileko zinegotziak ohar baten bidez adierazi du 21:50 aldera gertatu zela erasoa. Dirudienez, saltokiko kamerei esker jakin zuen saltzaileak atxilotua lapurreta egiten zebilela.

Orduan, harengana joan zen emakumea, eta gizonak aurre egin zion. Ika-mikan ari zirela, dendariari ukituak egiten hasi zen gizona, saltzaileak berak salatu duenez.

Lapurretak egiteagatik aurrekariak dituen 20 urteko Sestaoko bizilagun bat da atxilotua. Ertzain-etxera eraman zuten atxilotu eta gutxira, eta gaur epailearen aurrean deklaratu du.

  • Bisitatuena

      Kargatzen ikusiena
      Kargatzen ikusiena
    ;