Gizartea -

Indarkeria matxista

Hiru gizon atxilotu dituzte Gasteizen, indarkeria matxista egotzita

Iragan ostiralean 32 eta 48 urteko bi gizon atxilotu zituzten, eta igandean 33 urteko beste bat. Gainera, 39 urteko gizon bat atxilotu zuten larunbatean, emakume bati ukituak egitea leporatuta.

Agentziak | EiTB Media

Whatsapp Facebook Twitter Telegram Email

Hiru gizon atxilotu dituzte iragan asteburuan, Gasteizen, indarkeria matxista leporatuta. Gainera, beste gizon bat atxilotu dute Arabako hiriburuan, emakume bati ukituak egitea egotzita.

Gasteizko Udalak jakitera eman duenez, Udaltzaingoak 32 eta 48 urteko bi gizon atxilotu zituen iragan ostiralean, indarkeria matxista leporatuta. Bigarrenaren kasuan, bikotekidea ere atxilotu zuten, indarkeria domestikoa egotzita.

Igandean, udaltzainek 33 urteko gizon bat atxilotu zuten, Arana auzoko etxebizitza batean bikotekideari eraso egitea leporatuta.

Bestalde, 39 urteko gizon bat atxilotu zuten larunbatean, emakume bati kalean ukituak egiteagatik.

Kalez jantzitako patruila batek biktima laguntza eske entzun zuten. Poliziaren presentziaz ohartu, eta gizonezkoak bizikletan ihes egin zuen. Hala ere, gutxi geroago, Santiago aldean aurkitu eta atxilotu zuten.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Araba Euskal Autonomia Erkidegoa Gizartea Indarkeria matxistaren biktimak Eguneko albisteak Gasteiz Albisteak Matxismoa