Gizartea -
EGURALDIA
Zaparradak Nafarroan sanferminetako bezperan
Nafarroan abisu horia ezarri dute euri zaparrada gogorren ondorioz. EAEn ere euria presente egongo da, bereziki, Arabako Ipar-Mendebaldean. Bertan, sei abisu hori ezarri dituzte asteazken honetarako.
AGENTZIAK | EITB MEDIA
Euria izango da protagonista nagusia asteazken honetan. AEMETen arabera, Nafarroan abisu horia ezarri dute euriagatik, eta zaparrada gogorrak espero dira.
Prezipitazioak eta ekaitza indartsuak izango dira Nafarroa osoan, baina, bereziki, erdialdean eta Erriberan. Zerua lainotsu egongo da, baina, eguneko azken orduetan, argitzera joko du.
EAEn zaparrada handiak izango dira eta txingorra botako du, sarriago barnealdean. Arabako ipar-mendebaldean sei abisu hori daude euria dela eta. Euskalmeten arabera, 10:00etan Agurainen zaparrada trumoitsu batek 10.1 l/m² bota ditu 10 minututan. Arratsaldean, atertzera egingo du mendebaldetik ekialdera.
