Gizartea -

Indarkeria matxista

Arguedasen senarrak labankatutako emakumeak ospitalean jarraitzen du pronostiko erreserbatuarekin

Hiru labankada eman zizkion emakumeari, eta horietako batean, emakumea larri zauritu, eta ospitalera eraman behar izan zuten. Gizonezkoa aldameneko kale batean atxilotu zuten.

Atxilotuaren irudi bat: EFEren artxiboko irudi bat
Atxilotuaren irudi bat: EFEren artxiboko irudi bat
Atxilotuaren irudi bat: EFEren artxiboko irudi bat

Agencias | EITB Media

Whatsapp Facebook Twitter Telegram Email

Astearte honetan Arguedasen (Nafarroa) senarraren eskutik hiru labankada jasan zituen 44 urteko emakumea egonkor dago, pronostiko erreserbatuarekin, hots, bilakaera zalantzagarriarekin, eta ebakuntza kirurgikoren bat egin behar zaion jakiteko zain dago, Guardia Zibilak jakinarazi duenez.

50 urteko gizonak, berriz, atxilotuta jarraitzen du, eta ostegun honetan, hilak 15, eramango dute epailearen aurrera.

Hiru labankada eman zizkion emakumeari, eta horietako batean, emakumea larri zauritu, eta ospitalera eraman behar izan zuten. Gizonezkoa aldameneko kale batean atxilotu zuten. Guardia Zibilei aurre egiten saiatu zen, nahiz eta ordurako arma zuririk eskutan ez izan. Hala ere, erasoan erabilitako labana berreskuratu ahal izan zuten agenteek.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Nafarroa Gizartea Indarkeria matxistaren biktimak Eguneko albisteak Albisteak Matxismoa

Informazio gehiago