Emakume batek Urte Berri egunean jasandako sexu-erasoa gaitzesteko bi elkarretaratze izango dira bihar Getxon

Emakumezko batek Urte Berri egunean Getxon pairatutako sexu-erasoa gaitzesteko bi elkarretaratze deitu ditu Getxoko Udalak. Lehenengoa 12:00etan izango da, Getxoko Udaletxearen eskalinatan, eta bigarrena 19:00etan, Getxoko "puntu morean", Bizkaiko Zubiaren ondoan.

Erasotzailea, 29 urteko gizon bat, asteazkenean atxilotu zuten. Bozeramaileen Batzordeak aho batez gaitzetsi zuen gertatutakoa. Adostutako testuan, Udalean ordezkaritza duten talde politiko guztiek gaitzespen elkarretaratze instituzionala deitu zuten astelehenerako, 12:00etarako, Udaletxeko eskaileretan, eta herritarrentzako deialdia ere egin zuten, arratsaldean, 19:00etan, Areetako lilagunean erasoa gaitzesteko (Bizkaia Zubiaren ondoan).

Adierazpenean, Bozeramaileen Batzordeak "erabat baztertu eta gaitzesten ditu generoen berdintasun ezan oinarritzen diren jarrera sexisten ondorioz sortutako eraso guztiak", eta elkartasuna adierazi zion erasoa jasan duen emakumeari, bai eta babesa eman ere.

Horrez gain, "berdintasuneko eta begiruneko balioak oinarri dituen gizartea lortzeko lan egiten jarraitzea" aldeztu zuen, "non emakumeek sexu harremanak norekin, noiz eta nola izan nahi dituzten askatasunez erabaki dezaketen. Azken finean, emakumeen nahia erabat errespetatzen duen gizartea lortzeko".