Ostegunean ere indarrean egongo da elurragatik egunotarako EAEn ezarritako abisu horia

Azken egunotan Euskal Herria astintzen ari den denboraleak badirudi ez duela oraingoz atsedenik emango; gutxienez asteburura arte. Hotza eta elurra izango dira nagusi hurrengo egunetan ere. Hartara, astearte, asteazken eta ostegunean abisu horia ezarriko dute elurragatik.

Gaurko honetan 300-500 metroan egongo da elur maila, nahiz eta arratsaldeako 600-700 metrora igoko den. Euri gutxi egingo du; gehiena Kantauri isurialdean. Izozteak ere izango dira barnealdean eta mendi inguruetan. Izan ere, tenperatura baxuengatik ere abisu horia ezarri dute.

Bihar, asteazkena, 1.000 metrotik behera elurtuko du; 800-900 metroan, hain zuzen ere. Izotza ere egingo du goizaldean, dela barnealdean, dela Gipuzkoako kostaldean -bereziki ekialdean-.

Ostegunean maila berean jarraituko du elur kotak, alegia, 700-900 metroan. Euri arina izango da, eta tarteka zaparrada mardulak botako ditu; Kantauri isurialdean, batik bat. Barnealdean hotza nagusituko da berriro, eta mendi inguruak izozteko arriskua ere badago.