Gizartea -
Sexu erasoa
Behin-behinean aske geratu da Iruñean emakume bati sexu erasoa egin ziolakoan atxilotutako gizona
Nafarroako Justizia Auzitegi Nagusiak berri eman duenz, ez fiskaltzak, ez akusazioak ez dute eskatu ikertua espetxeratzerik. Halere, 15 egunez behin joan beharko da epaitegira.
EITB Media
Iruñeko 5. zenbakiko Instrukzio epaileak behin-behinean aske utzi du emakume bati sexu erasoa egin ziolakoan larunbat honetan atxilotutako gizona.
Nafarroako Justizia Auzitegi Nagusiko iturriek berri eman dutenez, ez fiskaltzak, ez akusazioak ez dute ikertua espetxeratzerik eskatu. Halere, 15 egunez behin joan beharko da epaitegira.
Halaber, 500 metroko urruntze agindua ezarri dio epaileak eta ezingo da emakumearekin harremanetan jarri prozedura amaitu arte.
Gainera, herrialdetik ateratzea debekatu diote eta pasaportea erretiratu zaio.
Erasoa Nafarroako hiriburuko lurpeko pasabide batean gertatu zen eta joan den martxoaren 19an salatu zuen emakumeak. Poliziaren ikerketaren ondorioz, gizona atxilotu zuten eta aske utzi du orain epaileak, behin-behinean.
