Gizartea -

INDARKERIA MATXISTA

Emakume bat egoera kritikoan, bikotekideak Mostolesen eraso egin ostean

52 urteko gizona atxilotu dute. Emakumea ospitaleratu egin dute, arma zuriz egindako zauri bat baitzuen lepoan.

Mostolesen bikotekideak eraso egin duen emakumea, anbulantzian. Argazkia: Europa Press
Mostolesen bikotekideak eraso egin duen emakumea, anbulantzian. Argazkia: Europa Press
Mostolesen bikotekideak eraso egin duen emakumea, anbulantzian. Argazkia: Europa Press

AGENTZIAK | EITB Media

Whatsapp Facebook Twitter Telegram Email

Espainiako Polizia Nazionalak 52 urteko gizon bat atxilotu du Mostolesen, 40 urteko bikotekideari eraso egitea leporatuta. Emakumea egoera kritikoan dago, 12 de Octubre ospitalean.

Bikotearen 13 bat urteko semea bart goizaldean gertatu den erasoaren lekuko izan da, eta berak eman die abisua bizilagunei, Madrilgo 112 Erkidegoko Larrialdi Zerbitzuek jakitera eman dutenez.

Bertaratu diren agenteek atea eraitsi dute, eta barrura sartu direnean, gizona eta emakumea aurkitu dituzte bertan.

Emakumeari bihotz-birikak suspertzeko ariketak egin dizkiote, arma zuriz egindako zauria tarteko. Pultsua berreskuratu duenean, egoera kritikoan eraman dute ospitalera.

Polizia Nazionalak bere gain hartu du gertatutakoa argitzeko ardura.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista gaur Espainia albisteak Gizartea Emakumeen kontrako tratu txarren salaketak Prentsa digitalaren azken orduko Gaurko azken orduko albistea Madril Matxismoa