Trafikoa mantso dabil A-8an Barakaldo eta Bilbo artean eta BI-625ean Basauri eta Bilbo artean

"Ertzainak gatazkan" mugimenduak gaur goizeko 7:30etik aurrera auto-ilara sortzeko deialdia egin zuen Bilbo inguruko errepideetan euren lan-gatazka ikustarazteko.

Trafikoa A-8an, Ansio kurbetan. Irudia: Segurtasun Saileko kamerak. — ''Ertzainak Gatazkan'' mugimenduaren protesta-karabana batek auto-ilarak eragin ditu A-8an, Bilbo inguruan

EITB Media

publikatuta: 2023/07/17 08:45 (UTC+2)

azken eguneratzea: 2023/07/17 10:14 (UTC+2)

Trafikoa mantso dabil gaur goizean Bizkaiko hainbat errepideetan. A-8 errepidean arazoak daude Barakaldotik Bilbora joateko Galdakaoko norantzan. BI-625 errepidean, berriz, Basauritik Bilborako norantzan daude arazoak.

Hain zuzen ere, "Ertzainak gatazkan" mugimenduak auto-ilarak izango zirela gaur 07:30etik aurrera Bilboko errepideetan iragarri zuen. Segurtasun Sailarekin daukaten lan-gatazka ikustaraztea eta lan baldintza hobeak eskatzea dute helburu. Protesta ekitaldi hauetan 100 ibilgailu inguru ari dira parte hartzen.

Twitterren igandean argitaratutako txio batean "pazientzia handia" eskatu zieten gaur goizean Bilbo inguruan ibili behar zuten gidariei.

Hau zure interesekoa bada, baliteke beste gai hauek ere izatea

Trafikoa Bilbo berriak Ertzaintza Barakaldo Gizartea bideoak Trafikoko web-kamerak Bilbon Albisteak Gaur Eguneko albisteak A-8 autobideko istripuak gaur Protestak gaur Lan gatazkak albisteak gaur

Trafikoa mantso dabil A-8an Barakaldo eta Bilbo artean eta BI-625ean Basauri eta Bilbo artean

Esteka kopiatuta