Gizartea -
Beroaldiaren ostean
Tenperaturak jaisten hasiko dira larunbatean, Euskadin
Ostiralean, 2003tik lortzen ez ziren tenperaturetara heldu dira Euskadiko hainbat puntutan. Eguraldia gaur hasiko da epeltzen. Jaurlaritzak abisu laranja amitutzat eman du dagoeneko.
Erredakzioa
Beraoldiaren ostean, larunbatean tenperaturak jaisten hasiko dira, batez ere kostaldean nabarituko da beherakada. Bertan ipar-mendebaldeko haizea ibiliko da eta hodeiak agertuko dira, ondorioz tenperatura maximoak 30 ºC-tik behera geratuko dira. Barnealdean aldiz, hodeiak eta ipar-mendebaldeko haizea beranduago iritsiko dira, hortaz, litekeena da balio beroenak 35 ºC-ra iristea.
Elorriok eta Laudiok bero markak hautsi dituzte, 45 ºC inguruan
Elorriok (Bizkaia) eta Laudiok (Araba) bero markak hautsi dituzte, 45 ºC-ra iritsiz, ostiralean, Euskalmeten arabera. Elorrion 44,8 gradura heldu dira, eta Laudion hamarren gutxi batzuk beherago egon dira.
Euskalmetetik azaldu dutenez, 2003tik lortzen ez ziren datuetara heldu dira. Bat eta bi gradutan igo dira Bizkaiko barnealdean eta Araban.
