Gizartea -
EMAKUMEEN KONTRAKO INDARKERIA
11 urteko espetxe-zigorra ezarri diote gizon bati bikotekideari tratu txarrak eman eta sexu-erasoa egiteagatik
Aurrez ere, biktima berari tratu txarrak emateagatik zigortuta zegoen akusatuta. Emakumearen Aurkako Indarkeriaren arloko Bilboko epaile batek zigortu zuen 2022an.
EITB MEDIA
Bizkaiko Lurralde Auzitegiak 11 urteko espetxe-zigorra ezarri dio 32 urteko gizonezko bati, bikotekidearekiko zuen urruntze-agindua urratu, hari tratu txarrak eman eta sexu-erasoa egiteagatik.
Gaur kaleratutako epaia ez da irmoa, eta akusatuak aukera du EAEko Justitizia Auzitegi Nagusia helegitea jartzeko. 2022ko ekainean ere, emakume berari tratu txarrak emateagatik zigortu zuten; urruntze-agindua ezarri zioten.
Auzitegiak frogatutzat jo du auzipetuak behin eta berriz urratu zuela "ekainetik bertatik urruntzeko eta komunikatzeko agindua". Halaber, epaiak dio urte horretan bertan, irailean, sexu-erasoa egin ziola biktimari.
Espetxe-zigorraz gain, Auzitegiak bost urteko zaintzapeko askatasuna ezarri dio gizonezkoari, espetxetik ateratzen denerako; zaintzapeko askatasun horretan, sexu-hezkuntzako programetan parte hartu beharko du, eta biktimarekin komunikatzeko eta harengana hurbiltzeko debekua ere izango du.
Auzipetuak 20.000 euroko kalte-ordaina eman beharko dio neskari, erantzukizun zibilagatik.