Gizartea -
ERASOA DONOSTIAN
Ertzainak erregistroan genero-aldaketa eskatu aurretik genero indarkeriaren zantzuak atzeman ditu Fiskaltzak
Indarkeria kasu horiek ertzainak erregistroan genero aldaketa eskatu aurretik gertatu zirela uste du Fiskaltzak, eta hortaz, auzia Genero Indarkeriaren Auzitegiaren esku uztea eskatuko lukete.
EITB MEDIA
Donostian bikotekideari eraso egin zion ertzainaren kasuan, Fiskaltzak genero indarkeriaren zantzuak atzeman ditu. Indarkeria hori ertzainak erregistroan genero aldaketa eskatu aurretik gertatu zela uste du Fiskaltzak, eta hortaz, auzia Genero Indarkeriaren Auzitegiaren esku uztea eskatuko lukete.
Juan Calparsoro Gipuzkoako fiskalak EITBri azaldutakoaren arabera, oraingoz ertzaintzako agente horri sexu-aldaketa onartu zion erregistroak. Ofizialki emakume bat denez, indarkeria domestikoa da inputatu diezaioketen delitu bakarra.
Baina, Calparsorok gaineratu duenez, sexu-aldaketa eskatu aurretik genero indarkeriaren zantzuak frogatzen badira, indarkeria matxistagatik ikertzea posible izango da. Biktimaren deklarazioan, nahiz eta salaketarik ez jarri, indarkeria matxista izan zela ondorioztatu daiteke, Fiskaltzaren esanetan.
