Gizartea -
Manifestazioa Donostian
Euskaraz bizi ahal izateko 'oztopoak' gainditzea aldarrikatu dute
Manifestazioa egin dute Donostia euskararen erabilera bultzatzeko eta Euskal Herriak euskaraz bizi nahi duela azpimarratzeko.
Erredakzioa
Milaka pertsona bildu dira Donostian euskararen alde izandako manifestazioan. Kontseiluak deituta, 'Euskaraz bizi nahi dugu' lelopean ibili dira Gipuzkoako hiriburuko kaleetatik.
Protesta 17:20ean hasi da, txalo artean, Anoetatik gertu. Pankarta zeramatenen artean, Paul Bilbao Kontseiluko idazkari nagusia egon da.
Manifestazioan izan dira Juan Karlos Izagirre Donostiako alkatea, Martin Garitano Gipuzkoako ahaldun nagusia, Garbiñe Errekondo Aldundiko Administrazio arduraduna, Rebeka Ubera legebiltzarkidea eta Alberto Unamunzaga Amaiurreko senataria.
Ezker abertzaleko beste zenbait ordezkari ere izan dira: Rufi Etxeberria, Tasio Erkizia eta Joseba Alvarez. Horiekin batera, CCOOko Jesus Uzkudun eta Adolfo Muñoz ELAko idazkari nagusia.
"Euskaraz bizitzea"
Hedabideei egindako adierazpenetan, Paul Bilbaok esan du manifestazioa "Euskal Herriak euskaraz bizi" nahi duela adierazteko egin dutela, eta nahi horri erantzuna eman behar zaiola, euskal hizkuntzaren erabilera zabaldu eta babesteko.
Manifestazioak Amara auzotik eta hirigunetik pasa da Boulevarrera iritsi arte. Bertan euskararen aldeko adierazpena irakurri eta "oztopoen" gainetik pasa eta "euskaraz bizitzeko" konpromisoa azpimarratu dute.
Milaka pertsona bildu dira Donostian euskararen alde izandako manifestazioan. Kontseiluak deituta, 'Euskaraz bizi nahi dugu' lelopean ibili dira Gipuzkoako hiriburuko kaleetatik. Protesta 17:20ean hasi da, txalo artean, Anoetatik gertu. Pankarta zeramatenen artean, Paul Bilbao Kontseiluko idazkari nagusia egon da. Manifestazioan izan dira Juan Karlos Izagirre Donostiako alkatea, Martin Garitano Gipuzkoako ahaldun nagusia, Garbiñe Errekondo Aldundiko Administrazio arduraduna, Rebeka Ubera legebiltzarkidea eta Alberto Unamunzaga Amaiurreko senataria. Ezker abertzaleko beste zenbait ordezkari ere izan dira: Rufi Etxeberria, Tasio Erkizia eta Joseba Alvarez. Horiekin batera, CCOOko Jesus Uzkudun eta Adolfo Muñoz ELAko idazkari nagusia. "Euskaraz bizitzea"Hedabideei egindako adierazpenetan, Paul Bilbaok esan du manifestazioa "Euskal Herriak euskaraz bizi" nahi duela adierazteko egin dutela, eta nahi horri erantzuna eman behar zaiola, euskal hizkuntzaren erabilera zabaldu eta babesteko. Manifestazioak Amara auzotik eta hirigunetik pasa da Boulevarrera iritsi arte. Bertan euskararen aldeko adierazpena irakurri eta "oztopoen" gainetik pasa eta "euskaraz bizitzeko" konpromisoa azpimarratu dute.
