Malaysia Airlinesen hegaldia pilotu automatikoarekin zihoala erori zen

Martxoaren 8an 239 pertsona barruan zituela Indiako Ozeanoan desagertutako hegazkina pilotu automatikoarekin zihoala uste du Warren Truss Australiako lehen ministro ordeak, kazetariei egindako adierazpenen arabera.

Ondorio hori Australiako agintariek egindako azken ikerketatik atera da. Malaysia Airlineseko hegazkina duela 100 egun baino gehiago desagertu zen, Kuala Lumpur eta Pekin arteko ibilbidea egiten ari zela.

Ikerlarien arabera, dauzkaten froga gutxiek hegazkina bere ibilbidetik milaka kilometrora desbideratu zuten, nahita, Indiako Ozeanoan erori aurretik.

Bilaketa lanak apirilean mugatu zituzten, hegazkineko ustez kutxa beltzetatik ateratzen ziren seinaleei kasu eginda.

Handik hilabetera, hegazkinaren arrastoak mugatutako eremu hartan ez zeudela ondorioztatu zuten eta bilaketa zabaldu behar izan zuten.