Publizitatea
Itxi

2019/07/20

18:11

Mundua

Espazioaren esplorazioa

Espazioaren 'esploraziorako garai berri bat' aurreikusi du Trumpek

AGENTZIAK | ERREDAKZIOA

Trumpek espazioa miatzeko planak azkartzea agindu zion NASAri 2017ko apirilean. Plan horiek gizakia Martera iristea aurreikusten zuten 2030eko hamarkadan.

  • Ilargiaren irudia: Argazkia: NASA

    Ilargiaren irudia: Argazkia: NASA

  • Whatsapp
  • Whatsapp
  • Telegram
  • Bidali

Amerikako Estatu Batuetako Donald Trump presidenteak "esploraziorako garai berri bat" hasteko eta herrialdearen nagusitasuna eta buruzagitza berrezartzeko konpromisoa hartu du. Ideia hori adierazi du orain dela 50 urte gizakia Ilargira iritsi zen egunean.

Bere gobernuak "hurrengo gizona eta lehen emakumea Ilargira bidaltzeko, eta estatubatuarrak Martera bidaltzeko jarraibideak eman dizkio NASAri", adierazi du Trumpek.

Amerikako estatu Batuek "gizateriaren bilaketa bideratu dute esparru ezezagunera", nabarmendu du presidenteak. Horrez gain, Apolo 11 misioaren lurreratzea AEBen "trebetasun teknikoaren eta buruzagitzaren izugarrizko erakustaldia” izan zela gogorarazi du.

Trumpek espazioa miatzeko planak azkartzea agindu zion NASAri 2017ko apirilean. Plan horiek gizakia Martera iristea aurreikusten dute 2030eko hamarkadan.

Mike Pence presidenteordeak 2024 gizon bat eta emakume bat Ilargira eramatea aurreikusten duen Artemisa misioaz hitz egingo du Cañaveral lurmuturreko (Florida) Kennedy Espazio Zentroan.

  • Bisitatuena

      Kargatzen ikusiena
      Kargatzen ikusiena
    ;