Mundua -
GATAZKA EGUNAK
Txileko larrialdi-egoera bertan behera utzi du Piñerak
Txileko presidenteak karguak eskuragarri uzteko eskatu die bere ministro guztiei, Gobernu berri bat osatze aldera.
AGENTZIAK | ERREDAKZIOA
Txileko larrialdi-egoera bertan behera utziko duela iragarri du Sebastian Piñera presidenteak, 24:00etatik aurrera (igandeko 03:00 GTM), gobernatzen dituen esparruetan. Hori dela eta, Armadak alde egingo du kaleetatik.
Ostiralean modu baketsuan Gobernuaren politika ekonomikoaren aurka protestatzeko kaleetara irten ziren milioi bat herritarrek erakutsitako jarrera "eredugarria" ikusi ondoren hartu du erabakia Piñerak.
"Egoerak ahalbidetzen badu, nire asmoa larrialdi-egoera guztiak altxatzea da igandeko 24:00etarako", gaineratu du presidenteak.
Gainera, Piñerak karguak ordezkarien esku uzteko agindu die bere ministro guztiei, herrialde osoko protestetan herritarrek eskatutako aldaketei erantzungo dien Gobernu berri bat osatzeko.
Ondoren, egindako "ahalegin izugarria" babesteko eskatu dio Kongresuari, herritarrek eskatzen dituzten erreformen programa "zabala eta sakona" ezartzeko.
