Mundua -

Erresuma Batua

Boris Johnsonek positibo eman du koronabirusarekin

Lehen ministro britainiarrak, hasiera batean pandemiaren aurkako neurririk hartu nahi izan ez zuenak, sare sozialetan eman du albistearen berri.

Boris Johnson Erresuma Batuko lehen ministroa. Argazkia: Efe
Boris Johnson Erresuma Batuko lehen ministroa. Argazkia: Efe
Boris Johnson Erresuma Batuko lehen ministroak positibo eman du

1:22

agentziak | erredakzioa

Whatsapp Facebook Twitter Telegram Email

Boris Johnson Erresuma Batuko lehen ministroak positibo eman du koronabirusarekin, politikariak Twitterren jarri duen bideo batean iragarri duenez.

"Azken 24 orduotan sintoma arinak izan ditut eta positibo eman dut koronabirusarekin", adierazi du buruzagi kontserbadoreak aipatu bideoan.

Johnson isolatuta egongo da datozen egunetan (emaztea haurdun dago gainera), baina gobernuaren buruzagitzan jarraituko omen du pandemiaren aurkako borrokan, bideokonferentziaz bada ere.

Atzemandako sintomen artean, lehen ministroak "sukarra eta etengabeko eztula" ditu.

"Ez izan zalantzarik jarraitu ahal izango dudala, teknologia modernoaren magiari esker nire taldearekin komunikatuko naiz koronabirusaren aurkako borroka nazionalaren buru izateko", adierazi du Johnsonek borroka horretan laguntzen ari diren guztien jarrera eskertu aurretik. Besteak beste, "NHSko (osasun zerbitzu publikoa) langile zoragarriak" aipatu ditu.

Gaurdaino, Erresuma Batuan 11.658 kasu atzeman dituzte, eta gutxienez 584 pertsona hil dira gaitzarekin. 

Kontuan izan osasun agintariek koronabirusaren aurrean eman dituzten aholkuakAlbiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea
Nazioartea Erresuma Batua Gaixotasunak Eguneko albisteak Albisteak Boris Johnson Koronabirusa