CIUk eta ERCk gaur itxiko dute Mas presidente bihurtuko duen ituna

Artur Mas Kataluniako presidente bihurtzeko helburuarekin, CIUk eta ERCk larunbatean aurkeztuko duten hitzarmenaren azken xehetasunak ixtea espero dute gaurko egunean zehar.

Masek ostegunean sinatu zuen Parlament berria osatzeko beharrezkoa den lege-dekretua, beraz, hurrengo astelehenean, abenduaren 17an, hasiko da Artur Mas CIUko hautagaia Kataluniako Generalitateko presidente berria izendatzeko egutegia.

Dena den, dekretua sinatzeak ez du esan nahi CIUk eta ERCk lortutako egonkortasun ituna guztiz itxita dagoenik, nahiz eta negoziaketen berri dutenek ostiralean zehar adostasun printzipio bat lortuko dutela uste duten.

Balizko zerga berriak

Independentziaren galdeketaren inguruko ezberdintasunak gainditu ondoren, azken saiakerak gai ekonomikoetara zuzendu dira, Generalitateko diru-sarrerak areagotzeko asmoz. Soilik 2013. urtean 4.000 milioi eurotako murrizketak espero dira.

Bi alderdiak ondorengotza zerga partziala berreskuratzearen alde agertu dira, eta zehazteke dagoen gauza bakarra errenta handienak soilik zergapetuko dituen zehaztea da.

Galdeketaren deialdia

Ondorengotza zergaz gain, oso gertu dago beste hainbat zerga ezartzeko akordioa. Horien artean, Ondare-zerga, zentral nuklearren gainekoa edota ERC bultzatzen duen salmenta toki handiei ezarriko zitzaiena.

Autodeterminazio galdeketari dagokionez, 2014. urtean Eskozian izango den galdeketarekin bat egitearen aukera aztertzen ari dira CIU eta ERC, nahiz eta akordioan ez dagoen dataren inguruko aipamenik.