Politika -
Jaurlaritza berria
PSE-EEk itunei 'atea ireki' behar diela adierazi du Ramon Jaureguik
PSOEko ordezkariaren iritziz, "Urkulluk eta bere Gobernuak euren politikaren norabidea zuzendu beharko dute, geometria aldakorretik itun egonkorretara".
Erredakzioa
Ramon Jauregi Kongresuko PSOEko diputatuaren iritziz, euskal sozialistek "gobernagarritasunaren giltza" izan behar dute Legebiltzarrean. Halaber, Iñigo Urkullu lehendakariak eta bere gobernuak "euren politikaren norabidea" zuzendu beharko dutela adierazi du, eta, ondorioz, PSE-EEren atera deituz gero, sozialistek "atea ireki beharko lukete".
Onda Vasca irratian egindako adierazpenetan, Patxi Lopez "duintasun eta elegantzia handia" agertzen ari dela azpimarratu du "bai boterea uztean eta bai bere eginbehar berrietan".
"Patxi euskal sozialisten liderra da, eta alderdiaren otsaileko kongresuan karguari eutsiko diola uste dut. Orain Gobernuari oposizioa egin behar dio, eta hor egon, euskal politiken gorabeherei aurre egiteko, PSEk gobernagariitasunaren giltza izan behar duelako Legebiltzarrean. Hori da alderdiaren zeregina, eta bere lana oso ondo egin dezake", ziurtatu du.
