Bilboko jaiek txupina izango dute, baina ez txupinera

Ibon Areso Bilboko jarduneko alkateak azaldu duenez, datorren larunbatean, Aste Nagusia hasten denean,  txupina izango da, konpartsek Jone Artolaren ordezkoa aukeratzen ez duten arren, epaileak haren izendapena debekatzeko erabakiaren ostean.

Aresok esan duenez, epai judizialari men egingo diote, eta aukeretako onena ikertuko dute, txupina "merezi duen duintasunaz" egiteko, epaileak Etxerat ETAko presoen senideen elkarteko kideak egitea debekatu ostean.

"Txupina izango da, baina ez txupinera. Udalak aukerarik onenak ikertuko ditu, larunbateko ekitaldia nola garatuko den ikusteko. Txupinak egon egin behar du, jaietako funtsezko ekitaldia delako. Protokoloa aztertzen ari gara, ekitaldiak merezi duen duintasuna izateko", azpimarratu du Aresok.

Jarduneko alkateak prentsaurreko bat eman du arratsalde honetan, epaileak terrorismoaren biktimak gutxiesten dituen egoerak ekar ditzakeen "arriskuak ekiditeko" hartutako erabakiaren ostean.